Chamábase Vicente Rúa Montero, nado en Toques provincia da
Coruña o 12 de xaneiro de 1894 Segundo cóntame o meu avó Jesús:
Era un agricultor que traballaba para o dono das terras e a
casa onde Vivian (O Amo, así o chama o meu avó).Durante algúns anos compaxinaba
o seu traballo co posto de concelleiro de obras públicas no concello de Toques.
Pasou os últimos anos da súa vida no barrio de San José
Obreiro (Marón) vivindo co meu avó Jesús.
Casouse moi novo, e á súa muller Consolo Vázquez, coñeceuna
pouco antes de casarse xa que era un matrimonio conveniencia arranxado polos
pais dos noivos, di o meu avó que era un costume casarse desa forma neses
lugares a principios do século XX.
Fixo o servizo militar no exército de terra durante case
tres anos en Burgos segundo cóntanme. Era axudante dun coronel, creo máis ben
que daquela época máis que axudante era un dos seus escravos.
Os meus bisavós tiveron 4 fillas e 11 fillos dos cales
morreron 3 pouco tempo logo de nacer, supoño que iso era porque nacían en casa
e non había ningún control médico.
Todos menos o meu avó Jesús cando viñan de cumprir o servizo
militar íanse indo da casa paterna para emigrar a outros lugares para poder
empezar as súas propias vidas.
O meu avó Jesús e a miña avóa Oliva quedáronse con eles e no
boom da construción naval a principios dos setenta viñéronse a vivir a Ferrol
traendo aos meus bisavós e aos seus tres fillos.
O meu pai dime que ten un grato recordo del porque era un
home feliz e simpático.
No hay comentarios:
Publicar un comentario